Responsibilities 

Mae Cyngor Cymuned Llanfaelog yn cael ei wasanaethu gan 12 o Gynghorwyr Cymuned sy’n cynrychioli trigolion Llanfaelog, Rhosneigr,Ty Croes, Bryn Du a Pencarnisiog.

Rydym yn cael ei’n hethol gan breswylwyr lleol a bydd yr apwyntiad yn parhau am gyfnod o bedair blynedd. Cynhelir yr Etholiadau hyn ym mis Mai ar yr un pryd ag etholiadau lleol /cyffredinol eraill. Bydd unrhyw swydd wag sy'n codi rhwng etholiadau ( er enghraifft, drwy ymddiswyddiad cynghorydd ) yn cael ei hysbysebu a'i llenwi un ai drwy etholiad neu gyfethol

Mae Cynghorau Cymuned yn darparu’r haen statudol o lywodraeth leol sydd agosaf at y bobl . Rydym yn gweithredu er budd y gymuned gyfan drwy wneud penderfyniadau ac argymhellion i wella ansawdd bywyd a'r amgylchedd. Mae ymgynghori a gwrando ar y trigolion i ddeall eu hanghenion , eu dymuniadau a'u pryderon yn agwedd hanfodol o’n gwaith.

Mae'r Cyngor hefyd yn cyflogi Clerc, hi yw Swyddog Priodol a Swyddog Arinnol Cyfrifol y Cyngor a bydd hi’n gweithredu ar ran y Cyngor Cymuned.

Gwasanaethau a ddarperir gennym:

Cyhoeddi cyfrifon archwiliedig am y flwyddyn a ddaeth i ben 31 Mawrth 2021

Mae Rheoliad 15 (5) o Reoliadau Cyfrifon ac Archwilio (Cymru) 2014 (fel y'i diwygiwyd) yn ei gwneud yn ofynnol erbyn 30 Medi 2021, i Gyngor Cymuned Llanfaelog gyhoeddi ei ddatganiadau cyfrifyddu ar gyfer y flwyddyn a ddaeth i ben 31 Mawrth 2021 ynghyd ag unrhyw dystysgrif, barn, neu adroddiad a gyhoeddwyd , a roddwyd neu a wnaed gan yr Archwilydd Cyffredinol.

Cyhoeddwyd y datganiadau cyfrifyddu ar ffurf ffurflen flynyddol ar wefan y Cyngor. Fodd bynnag, cyhoeddir y cyfrifon cyn i'r archwiliad ddod i ben. Oherwydd effaith COVID-19, nid yw'r Archwilydd Cyffredinol wedi cyhoeddi barn archwilio eto.